കടിഞ്ഞൂല്‍ കല്യാണം
സംഗീതം :രവീന്ദ്രന്‍
രചന :ബിച്ചു തിരുമല
ആലാപനം :യേശുദാസ്
മനസ്സില്‍ നിന്നും മനസ്സിലേക്കൊരു
മൗനസഞ്ചാരം...
കനവില്‍ നിന്നും കനവിലൂടൊരു
മടക്കസഞ്ചാരം...
(മനസ്സില്‍)
ഋതുഭേദമാറും തുടര്‍ന്നു വന്നാലേ
വസന്തം പോലും സുഗന്ധമേകൂ
വികാരങ്ങളാറും മാറി വന്നെങ്കിലേ
വിനോദങ്ങളെല്ലാം മധുരങ്ങളാകൂ
വികൃതിയില്ലെങ്കില്‍ പ്രകൃതിയുണ്ടോ
പ്രകൃതിയില്ലെങ്കില്‍ സുകൃതിയുണ്ടോ
(മനസ്സില്‍)
ഇണക്കങ്ങളോരോ പിണക്കങ്ങളേയും
മറന്നാല്‍ ബന്ധം പവിത്രമാകും
ഇടക്കാല വാഴ്വിന്‍ ജ്യാമിതിക്കുള്ളില്‍ നാം
ജലപ്പോളയേക്കാള്‍ ക്ഷണഭംഗുരങ്ങള്‍
പ്രപഞ്ചമില്ലെങ്കില്‍ പ്രതീക്ഷയുണ്ടോ
വികാരമില്ലെങ്കില്‍ വിവാദമുണ്ടോ
(മനസ്സില്‍)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ