നീലകടമ്പ്
സംഗീതം :രവീന്ദ്രന്‍
രചന :ജയകുമാര്‍
ആലാപനം :ചിത്ര
നീലക്കുറിഞ്ഞികള്‍ പൂക്കുന്ന വീഥിയില്‍..
നിന്നെ പ്രതീക്ഷിച്ചു നിന്നു
ഒരു കൃഷ്ണ തുളസിക്കതിരുമായ് നിന്നെ ഞാന്‍
ഇന്നും പ്രതീക്ഷിച്ചു നിന്നു..
നീയിതു കാണാതെ പോകയോ..
നീയിതു ചൂടാതെ പോകയോ...
ആഷാഢമാസ നിശീഥിനി തന്‍
വന സീമയിലൂടെ നീ
ആരും കാണാതെ... ആരും കേള്‍ക്കാതെ..
എന്നിലേക്കെന്നും വരുന്നു.. എന്‍
മണ്‍കുടില്‍ തേടി വരുന്നു..
നീയിതു കാണാതെ പോകയോ
നീയിതു ചൂടാതെ പോകയോ...
ലാസ്യനിലാവിന്റെ ലാളനമേറ്റു
ഞാനൊന്നു മയങ്ങി
കാറ്റും കാണാതെ കാടും ഉണരാതെ
എന്റെ ചാരത്തു വന്നു .. എന്‍
പ്രേമനൈവേദ്യമണിഞ്ഞു...
നീയിതു കാണാതെ പോകയോ
നീയിതു ചൂടാതെ പോകയോ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ